عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


    يوميات شاب روش طحن هتموت من الضحك

    شاطر

    legendlove
     
     

    الهوايــة :
    الـمهنـة :
    الــمزاج :
    الـبـلـد :
    احترام القوانين : احترام القوانين
    تاريخ التسجيل : 20/05/2010
    عدد المساهمات : 87
    عدد النقاط : 28532

    يوميات شاب روش طحن هتموت من الضحك

    مُساهمة من طرف legendlove في الخميس يوليو 15, 2010 9:53 pm


    بسم الله الرحمن الرحيم
    اولاالقصة دى جااااااااااااااامدة طحن بتحكى عن شاب روش وهى حلقات وباذن اللهكل يوم او يومين هحط حلقة
    المشهد الاول

    · يدخل أبو طارق إلى حجرةولده طارق علشان يصحيه يروح الجامعة ويخبط علىظهرهه بالراحه كده أب بقي انتو فاهمين.

    الوالد : طارق ... طارق .... قوم يا حبيبى فيفتح الولد عيناً واحدة ينظربها إلى أبيه فى استغراب


    طارق : إيه يا بابا فيه إيه ؟




    الوالد :قوم يا حبيبى عشان تلحق تروح كليتك ؟




    طارق : يا بابا كلية إيه اللى بتصحينى عشانها وش الفجر


    الوالد : وش الفجر إيه بس... يا بنى الساعة داخلة على عشرة ...



    قوم يا حبيبى عشان تلحق محاضراتك



    طارق : يابابا نفض


    الوالد : أعمل إيه



    طارق : يعنى كبر يا بابا



    الوالد : الله اكبر

    طارق : لا يا بابا مش قصدى ... أن بقولك كبر دماغك يعنى



    الولد : يا ابنى قوم متتعبنيش .... مش انت عندك محاضرات مهمة النهاردة ؟



    طارق : يا بابا مهمة إيه بس ... ده كله فى الكلتشة


    الوالد ( متعجباً ) : يعنى إيه كلتشة يا بنى .... انت مش عندك محاضرات مهمةالنهاردة


    طارق : يا بابا ... فكك من كلام الستينات ده.... أنا مش قادر أفك رموز وشى



    الوالد : يا بنى قوم أخوك بيقول ان المحاضرات النهاردة عندك مهمة



    طارق : يابابا سيبك منه ... ده واد بيهيس



    الوالد : يعنى إيه .... يعني كلامه صح ولا غلط ؟



    طارق : يا بابا ... ابنك ده دماغه مخرومة ... عمالة تنقط .... متسمعلوش ولما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار



    الوالد : يا بنى انت بتتكلم كده ليه ؟


    طارق : يعنى بكلمك بالسيم يعنى .... بص يا بابا عشان خاطر ربنا ... سيبنىأنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية


    الوالد : تأنتخ ؟ ... الله يخرب بيتك مش فاهم منك ولا كلمة لا انت و لاأخوك



    طارق : و الله يابابا أنا مأفور خالص و مش قادر ... سيبنى


    الوالد : يا بنى كلمنى زى ما بكلمك ... إيه اللى انت بتقوله ده



    طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يابابا أنا عارف مصلحتى .



    الوالد : مصلحتك ؟ يا بنى انت بقالك ثلاث سنين فى سنة ثانية



    طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت


    الوالد : (وقد بدأ يتغاظ ) طيب قوم يا معفن ... خد لك دوش و افطر و روحالكلية


    طارق : بابا.. اقفل النور و خد الباب وراك .... و أما أقوم نبقى نشوف موضوعالدش ده


    الوالد ( بصوت مرتفع ) : أنت حتقوم و لا حقومك بالجزمة



    طارق ( يجلس على السرير ) : يا فتاح يا عليم .... الواحد لسة معملشاستمورننج و بيتهزأ على الصبح



    يخرج الأب و يدخل أخوه وائل فينظر إليه شذراً



    طارق : لازم تديها جاز على الصبح .... شعللتها ؟ ... ماشى



    وائل : هو اللى بيسألنى



    طارق : قوله معرفش ... قوله معندوش زفت محاضرات

    وائل : أكذب يعنى ؟



    طارق : (يضحك بسخرية ).... لأ إنت متعرفش تكدب ... تحب أقوله انك ساقط ، ومنجحتش زى ما قلتله و انك بتعيد السنة من غير ما تعرفه ؟



    وائل : ( و قد اصفر وجهه ) لا يا طارق اوعى ....


    طارق : طيب يا حلو .... روح هاتلى سجارة من علبة أبوك أعمل بيها دماغالصباحية


    وائل : يخرج سيجارتين من جيبه . خد اثنين أهم ... بس اخلص بسرعة قبل ماييجى تانى .



    طارق : طيب يا إتم .... اختفى من قدامى دلوقت



    يخرج وائل ، و يبدأ طارق فى تدخين إحدى السجائر و هو بعد ما زال على السرير


    ثم ينظر بجواره على الكمودينو و يتناول التليفون و يتصل بأحد زملائه


    طارق : ألو ... أيوه يا هيما .... انت لسة مِكَّحول ... ما تقوم ياواد خليكنشيط


    هيما : يا بنى حد يتصل بحد دلوقت مفيش زوق .... الساعة لسة عشرة و نص


    طارق : فوق بقى .... إيه النظام ؟ الحياة أخبارها إيه النهاردة ؟


    هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون ..... نعلق حتتين طراى .... أو نلف نعاكس فى المزز


    طارق : طيب نتقابل الساعة واحدة .... متحلقليش


    هيما : حتعمل إيه دلوقت

    طارق : أنا حاخلع من البيت دلوقت و اخرج أصيع لحد ما نتقابل ، عشان أبوياعاملى فيها أبو الغضب ... و لو فضلت موجود حيعملى فيها بروسلى و يضربنى.



    هيما : الحمد لله يا عم... أنا أبويا ميت


    طارق : يا بختك ... استكانيس براحتك ..... طول عمرك محظوظ .... شاو

    يغلق الخط ... و يدخل أخوه وائل


    وائل : اوعى يا طارق تقول لابوك .... لحسن يرحلنى


    طارق : (ينظر إليه بتعال و كأنه ملك روحه ) خليك حلو معايا أحسنلك ... لحسنأنا لسانى بياكلنى ... و الندالة بتنقح على


    وائل : ( باستجداء ) اوعى يا طارق

    طارق : طيب روح هاتلى الجل بتاعك ... عشان الجل بتاعى بياكل فى دماغى زىمية النار


    وائل : احنا حنبدأ استغلال .... و بعدين انت اللى مابتغسلش دماغك لحد ماباظت


    طارق : خلص يا عم الأمور ... روح هاتلى الجل .... إنجز


    وائل : يا طارق ما انت عندك إزازة لسة مفتحتهاش



    طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز

    وائل : ( يصرخ و هو يجرى خارج الحجرة ) يا نهار اسود ... دا المكوة علىالقميص



    يأخذ طارق نفساً من السيجارة و قبل أن يخرجه من صدره يدخل والده



    الوالد : إنت لسة نايم ؟


    طارق : ( لا يرد حتى لا يخرج الدخان من فمه فيراه أبوه و يخفى السجارة تحتالبطانية )


    الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟


    طارق : ينظر إلى والده و قد احمرت عيناه و انتفخ وجهه


    الوالد : انت بتبص كده ليه يا واد انت .... جتك البلا فى منظرك ... و يخرجالوالد


    طارق : يخرج نفسه الذى كتمه حتى كاد أن يموت ، و يسعل بشده

    يدخل وائل أخوه فيجده على هذه الحال


    وائل : إيه مالك ؟ حتفطس ولا إيه


    طارق : روح هاتلى كباية مية أبوك كان حيموتنى .... كنت حسافر


    يخرج وائل فيستلقى طارق على السرير يسترجع أنفاسه و يغمض عينيه ... و بعدقليل يرتفع صوت شخيره
    بسم الله الرحمن الرحيم
    الحلقة التانية


    اتمنى ان يكون اعجبكم المشهد الاول

    فالندخل عالمشهد الثانى

    المشهـد التـانى

    الساعة تجاوزت الثانية عشر ظهراً

    الأب جالس فى حجرة المعيشة يقرأ الجريدة ،

    و الأم فى المطبخ تعد الشاى

    طارق يخرج من حجرته يرتدى بنطلون جينز ساقط من على وسطه بطريقة فجة حتى أن ملابسه الداخلية ظاهرة ،

    و يلبس قميص يلتصق بجسده بشدة ، و بينه و بين البنطلون فراغ يبين بطنه ،

    و يفتح ثلاثة أزرار مبيناً سلسة كبيرة تنتهى بقطعة فضيئة دائرية مرسوم عليها جمجمة ،

    شعره مرفوع من الجانبين إلى الوسط على هيئة هرم و يلمع لمعاناً شديداً بسبب الجل

    ، حذائه أصفر اللون بكعب عال ، و يمسك فى يده الموبايل و سماعته فى أذنه و يشغل عليه أغنية أجنبية لا يفهم معانى كلماتها

    ، و على عينيه نظارة عريضة جداً لونها بنى ،

    و فى يده ساعة شديدة الضخامة و فى يده الأخرى حظاظة نحاسية عريضة


    الوالد: حين يراه : لسة خارج ... بقالك ساعتين بتتزوق ؟

    طارق: أف .... اصطبحنا بقى


    يدخل طارق المطبخ لأمه الطيبة و هى تعد الشاى

    طارق : إيه يا حاجة
    المصدر: منتديات كريزى مان http://www.crezeman.com/vb/showthread.php?t=64034


    الأم : لسة صاحى ؟ أبوك عمال ينفخ برة

    طارق ( بضيق ) : ما هو اللى مصحينى بدرى

    الأم : بيصحيك عشان تروح الكلية

    طارق : هو يوم الأجازة بتاعه كدة .... لازم ينكد علينا

    الأم : وطى صوتك ... عيب كدة

    طارق : طيب انجزى بقى .... هاتى المصلحة اللى قلتلك عليها امبارح

    الأم ( بطيبة ) : مصلحة إيه

    طارق : إيه يا ماما إنت نسيت و لا إيه ؟ .... فين الاربعين جنيه بتوع الكتاب ؟

    الأم : يا واد بطل كدب .... كتاب إيه اللى حتشتريه باربعين جنيه

    طارق : جرى إيه يا ماما .... احنا لسة حنتكلم فى الموضوع ده تانى .... مش انت امبارح قلتى لى ماشى ؟

    الأم : لا أنا قلت حاقول لأبوك

    طارق : يا دى النيلة ... انت لسة حاتقولى ليه ؟

    الوالد (من الخارج ينادى على الأم ): إيه يا أم طارق انت بتعملى الشاى على الشمعة ولا إيه ؟

    الأم ( تصب الشاى ) : أيو خلاص أنا جاية

    طارق (يمسك بذراع أمه ): بقولك إيه يا ماما الكتاب ده مهم .... متضيعوش مستقبلى ... حاولى تقصيهم من بابا بسرعة عشان ألحق المحاضرة بتاعتى

    يخرجان إلى حجرة المعيشة حيث الأب ما زال ماسكاً بالجريدة ، فتضع الأم كوب الشاى أمامه و تجلس ، و طارق يقف أمامهما
    ينظر إليه الأب بقرف شديد ، و يعود إلى الجريدة مرة ثانية ، فيطأطئ طارق فى ضيق و ينفخ فى نفاد صبر و يشير لأمه : أن كلميه

    الأم : بقولك إيه يا أبو طارق

    الوالد : خير

    الأم : طارق كان عاوز فلوس يشترى بيهم كتاب
    ينزل الأب الجريدة و ينظر إلى طارق من فوق لتحت

    الوالد : كتاب إيه ؟ انت مش اشتريت كل الكتب ؟

    طارق : كتاب التكاليف

    الوالد : طيب ما انت عندك كتاب التكاليف

    طارق : يا بابا ده بتاع السنة اللى فاتت ..... المنهج اتغير

    الوالد : و ده بكام ان شاء الله

    طارق : باربعين جنيه

    الوالد ( صارخاً ) : كام ... أربعين جنيه .... ليه

    طارق : يا بابا أنا مالى ... الكلية أسعارها غالية

    الوالد : و أجيبلك منين الأربعين جنيه دول ان شاء الله ؟ إحنا فى آخر الشهر

    طارق : أعمل إيه يا بابا....... أسقط يعنى ؟

    الوالد : لا ... العفو ... و انت وش كده؟

    طارق : أيوه .... سمعنى الكلام بتاعك ده كل مرة أقولك فيها على فلوس

    الوالد : يابنى أربعين جنيه فى الكتاب كتير .... صَوَّرُه ... إعمل زيى ... عمرى ما اشتريت كتاب فى الجامعة

    طارق : يابابا انت دبلوم تجارة أصلاً .

    الوالد : و لو ... عمرى ما اشتريت كتاب

    طارق : و بعدين الدكتور منزل معاه ملزمة لازم نملاها و نرجعها له تانى ، و مانع التصوير

    الوالد : الله يخرب بيتك على يخرب بيت الدكتور ... حجيبلك منين أربعين جنيه دلوقت

    طارق : أمال بتصحينى ليه ؟ ... ما كنت تسيبنى نايم .... حاروح الجامعة أعمل إيه دلوقت

    الأم ( تحاول أن تهدئ الموقف كالعادة ):
    خلاص يا أبو طارق أنا معايا ثلاثين جنيه بتوع عدسة النظارة بتاعتى ... أصلحها الشهر الجاى و خلاص .... إديله عليهم عشرة جنيه و خليه يشترى الكتاب

    الوالد : ده كلام ؟.... بقالك أربع شهور تأجلى فى النظارة ... و انت عارفة إن مفيش كتاب و لا حاجة

    طارق : و المصحف الشريف و عزة جلال الله فيه كتاب
    يخرج الوالد من جيبه عشرة جنيهات و يمد له يده بها ، يقترب طارق من أبيه فيشم الأب رائحة شعره فيشمئز منها

    الوالد : إيه ده ... إنت ريحتك وحشة كدة ليه ... إنت حاطط سمنة فى راسك و لا إيه؟

    طارق : سمنة إيه يا بابا... ده الجل بتاع الواد وائل... بس طلع حمضان

    الوالد : ( باشمئزاز ) إنسان مقرف .... أنا عارف بيدخلوك الجامعة إزاى ؟

    طارق : يابابا هو انت كل ما تشوفنى تطلع فيه القطط الفطسانة

    الأم : شباب يا أبو طارق ... بكره ربنا يهديهم

    الوالد : مش شايفة لا بس زى الرقاصة إزاى ؟

    طارق ( بضيق ): هاتى ياماما الفلوس خلينى أخلص

    الوالد : اسمع .... أما تيجى تورينى الكتاب أبو أربعين جنيه ده ... فاهم ؟

    طارق : يحيينا و يحيك ربنا

    ينظر له الأب شذراً ، فى حين تضحك الأم و تذهب إلى حجرتها لتحضر له باقى المبلغ و هو فى إثرها

    يخرج وائل و قد لبس شبيهاً بأخيه ، و يذهب إلى والده الذى أمسك بكوب الشاى و هم أن يشرب

    وائل : بابا .... عاوز أربعين جنيه أشترى بيهم كتاب

    مسكين وائل ............... الشاى كان ساخن اوووى


    ههههههه ياترى حصل ايه لوائل لما راح هو كمان يطلب من ابوة 40 جنيه

    ان شاء الله هنعرف الحلقه الجــــاي
    avatar
    Sameh
     
     

    الهوايــة :
    الـمهنـة :
    الــمزاج :
    الـبـلـد :
    احترام القوانين : احترام القوانين
    تاريخ التسجيل : 21/04/2010
    عدد المساهمات : 1517
    عدد النقاط : 30769

    رد: يوميات شاب روش طحن هتموت من الضحك

    مُساهمة من طرف Sameh في الخميس يوليو 15, 2010 11:15 pm

    هههههههههههههههههه
    شكرا يا احمد على التوبيك تسلم


    ????
    زائر

    رد: يوميات شاب روش طحن هتموت من الضحك

    مُساهمة من طرف ???? في الجمعة يوليو 16, 2010 12:23 am

    هههههههههههههههههههههه
    تسلم يابو حميد
    avatar
    DESTRUCTIVE HEARTS
     
     

    الهوايــة :
    الـمهنـة :
    الــمزاج :
    الـبـلـد :
    احترام القوانين : احترام القوانين
    تاريخ التسجيل : 28/05/2010
    عدد المساهمات : 327
    عدد النقاط : 28665

    رد: يوميات شاب روش طحن هتموت من الضحك

    مُساهمة من طرف DESTRUCTIVE HEARTS في الجمعة يوليو 16, 2010 3:42 am

    هههههههههه جامد اوي التوبيك ده
    تسلمlegend love
    الله عليك
    avatar
    merna
     
     

    الهوايــة :
    الـمهنـة :
    الــمزاج :
    الـبـلـد :
    احترام القوانين : احترام القوانين
    تاريخ التسجيل : 22/06/2010
    عدد المساهمات : 741
    عدد النقاط : 29006

    رد: يوميات شاب روش طحن هتموت من الضحك

    مُساهمة من طرف merna في الجمعة يوليو 16, 2010 7:13 am

    شكراعلي التوبيك ياlengend love

    legendlove
     
     

    الهوايــة :
    الـمهنـة :
    الــمزاج :
    الـبـلـد :
    احترام القوانين : احترام القوانين
    تاريخ التسجيل : 20/05/2010
    عدد المساهمات : 87
    عدد النقاط : 28532

    رد: يوميات شاب روش طحن هتموت من الضحك

    مُساهمة من طرف legendlove في الجمعة يوليو 16, 2010 1:31 pm

    للجميع /sameh/الطيار 2010 /DESTRUCTIVE HEARTS/[b]merna[/b]
    avatar
    احبك بصمت
     
     

    الهوايــة :
    الـمهنـة :
    الــمزاج :
    الـبـلـد :
    الأوسمة : الأوسمة
    احترام القوانين : احترام القوانين
    تاريخ التسجيل : 22/04/2010
    عدد المساهمات : 635
    عدد النقاط : 29291

    رد: يوميات شاب روش طحن هتموت من الضحك

    مُساهمة من طرف احبك بصمت في الجمعة يوليو 16, 2010 1:46 pm

    بمووت فيها القصة دى قرأتها كلها بس للاسف مكنتش كاملة بس بحبها خاالص

    كملها وهتابعها معاك
    avatar
    saad girl
     
     

    الهوايــة :
    الـمهنـة :
    الــمزاج :
    الـبـلـد :
    احترام القوانين : احترام القوانين
    تاريخ التسجيل : 10/06/2010
    عدد المساهمات : 260
    عدد النقاط : 28386

    رد: يوميات شاب روش طحن هتموت من الضحك

    مُساهمة من طرف saad girl في الجمعة يوليو 16, 2010 6:50 pm

    حلوه اوي القصه دي
    ان شاء الله هتابعها عشان احبك بصمت حببتني في القصص دي اوي
    مرسي علي القصه يا
    legendlove




      الوقت/التاريخ الآن هو الإثنين فبراير 19, 2018 8:48 am