بسم الله الرحمن الرحيم
والصلاة والسلام على اشرف المرسلين
سيدنا محمد رسولنا الكريم
مبدئيا كدا
الموضوع ده علشان نعمل منافسه بين قراء المصحف الكريم
بمناسبة شهر رمضان
انا عارف ان الموضوع جاى بدرى شوية
بس الموضوع هيبدا ان شاء الله مع بداية رمضان
بس انا مش هعرف اتابع الموضوع لان باذن الله مسافر قريب
نسالكم الدعاء
المسابقة هتبقى كالاتى
مع بداية اول يوم فى رمضان باذن الله
هنبدا فى تلاوة القران الكريم
كل ما نتم جزء او اكثر من جزء هندخل الموضوع هنا نكتب عدد الاجزاء واسماء الاجزاء
حتى نختم القران الكريم باذن الله
مع الختام هنكتب اسم الجزء الاخير وده على حسب القارىء بدا منين
وهنكتب دعاء الختام الذى ختم به العضو القران الكريم
واكثر ثلاثة اعضاء ختاما للقران العظيم
هيحصلوا على وسام قراء القران الكريم
انا كنت اتمنى انى احط صورته دلوقتى بس انا عايز الاعضاء يتشوقوا ليه
واكيد طبعا كلنا عايزين حاجه تميزنا
وانا كنت اتمنى انى اشارك معاكم بس
اولا انا من الادارة والمفروض انا صاحب الموضوع يعنى مينفعشى اشارك
بس انا هحاول انافس اكتر قارىء من غير ما حد يحس
واحب اذكر الثواب لقراءة القران الكريم
انا مش هذكره لانه عدد لايحصى من الحسنات فى شهر رمضان المبارك
بس فيه نقطة احب احذر منها
الموضوع هنا معتمد على الصدق واكييد احنا عارفين حرمة الكذب فما بالك فى رمضان فما بالك ان كذبت بشان القران
فارجو اننا نكون صادقين مع ربنا قبل اى حد
ويارب الاعضاء كلهم يشاركو
وانا اتمنى ان عدد الاختمة تكون بعدد ايام رمضان
يعنى ختمة فى اليوم
محدش يقولى صعبه دى صعبه بس على الناس الى بعيده عن ربنا
لكن انا متاكد ان فيه ناس هنا علاقتها بربنا كويسه
وانا بسالهم الدعوه ليا بالهداية
ويارب كله يشارك فى الموضوع هنا
ومتنسوش تدعولنا من صالح دعائكم
فى امان الله