الحق يا ابو العيال في حريقة
السلام عليكم
تخيل معايا لو إنت قاعد ع المنتدى...أيا كان اللى بتعمله
و فجأة !!
لقيت زوجة جاركوا عمالة تقول
الحقوووووووووووووونى يا ناس..الحقنى يا ابو العيااااااااااال
حريـــــــــــــــــقة
الحق بسرعة صحى العيال يا عبد العال ...البيت بيولع يا راجل
و بعد كده لقيت مامتك داخلة عليك
بتقولك محمد...نور قوموا بسرعة يا ولاد البيت بيولع
هتردوا تقولوا لها ايه؟؟
ثوانى يا ماما معلشى هخلص الشات مع صاحبتى و هحصلك؟؟
و للا هتقولوا لها..معلشى يا ماما..مش فاضى دلوقتى..حظ سعيد المرة القادمة بس ابقى خربشى الكوبون كويس؟؟
و للا هتقولوا لها...تعالى زى النهاردة فى نفس الميعاد و هتلاقينى فوريرة وراكى؟؟؟؟؟؟
طبعا مش هيحصل
بكل بساطة هتطلعوا تجروا بلا شات بلا بتاع
مامتك تقولك..طيب صحى باقى أخواتك
أخوات مين يا حاجة؟؟؟ هو أنا فاضى ؟ده أنا يادوب الحق نفسى
يا بنى ده أخوك؟؟
يا حجة ده كان زمان ع أيامك..النهاردة مبقاش فى حاجة اسمها أخوة
طيب يابنى تعالى اسندنى انزل معاك
و للا كمان الأمومة كانت ايام زمان؟؟؟
لأ يا ست الحبايب ما تقوليش كده..و أنا نازل هبقى أوصيلك ابن الجيران يسندك و هو نازل
هههههههههههه
و هتطلع تجرررررررررررررى
طيب ليه بقى أما أقوم أنا مثلا قايلة لكوا..يالا يا جماعة نصلى ركعتين شكر لله..بنل؟؟
بنقول مش فاضيين ؟؟بنتحجج بأى حاجة و خلاص؟؟؟
ليه دايما الثواب بيبقى تقيل أوى ع دمنا؟؟
ليه بنخلى الدين ده آخر حاجة نفكر فيها؟؟؟
هو الشيطان شاطر صحيح؟؟
لأ مش صحيح
إذا كان ربنا سبحانه و تعالى بيقول{إِنَّ كَيْدَ الشَّيْطَانِ كَانَ ضَعِيفاً}
يعنى احنا اللى بنخليه شاطر.. بيضحك علينا ..مش لأنه شاطر
لأ مش كده
بس لأننا احنا اللى خايبين
بنضيع ثواب ربنا..و بنضيع رحمته و مغفرته علينا
بنضيع مليون فرصة ربنا بيديهالنا علشان نتوب
فيه ايه يعنى لو كل واحد عالمنتدى دلوقتي
قام صلى ركعتين شكر لله؟؟
المنتدى هيطير؟؟
لا مش هيطير..و لو حتى طار...يجى ايه جنب مغفرة ربنا؟؟؟
مش هطول عليكوا
بس كل اللى عايزاه
ان كل حد صاحى دلوقتى ع المنتدى..يقوم يصلى ركعتين شكر لله
و يقرا صفحة من القرآن..أو حتى آية واحدة.أو جزء..اللى تحبوه