من طرف 
قبل ما ابدا الموضوع هطرح عليكم سؤالهل انتم سعداء ام حزانة؟
ونا راجعة من كام يوم من المدرسة بالباص قعدت اتفرج على وشوش الناس لاحظت حاجة غريبة اوى
مفيش حد بيضحك ولا بيبتسم حتة
كل الناس مرسوم على وشها الكئابة والحزن
كل الناس مخنوقة ومكتئبة مفيش حد طايق يبص فى وش اللى جنبه
مفيش حد عاوز يضحك ولا عنده استعداد او مجرد تفكير بس ان هو يضحك
كل واحد شايل همومه جواه وضارب بوزه شبرين
طب هى ليه الحياة بئت كدة ايه اللى فى الحياة يخلى الناس كدة
ايه اللى يوصلنا للمرحلة دى الحياة مليانة متاعب واحزان فعلا بس متستاهلش من حقنا نفرح ونعيش حياتنا صح والدنيا بردك مش تدى كل واحد مننا رغيفه كامل لازم يكون ناقصه حاجة
الغنى ناقصه السعادة والفقير ناقصه فلوس عشان يحقق بردك السعادة الناس بئت تاخد اللوس دلوقتى على انها مصدر السعادة فى صراع دلوقتى عشان السعادة اللى مفيش حد قادر يحصل عليها
طب انا هحكيلكم حكاية كدة بس محدش يضحك بجد انا الحكاية دى درستها ونا فى سنة ستة فى الانجليش فى المستوى الرفيع ويمكن انا لسى فكراها لانى مثلتها فى مسرح المدرسة وكنت انا بطل القصة اللى هتسمعوها دلوقتى بس انا ممكن اكون قلفت فيها الفاظ كتير اوى لانى مش فكراها بالظبط
يحكى ان فى قديم الزمانكان يعيش رجلا من اصحاب الذوات يعنى من الاغنياء وكان يملك اموالا كثيرة وكان يعيش فى مملكة ولكن هذا الرجل كان دائما يشعر بالحزن تجاه نفسه وكان يريد ان يحصل على السعادة التى ترضيه ومع انه من اغنى الاغنياء وكان هو مالك المملكة التى يعيش فيها
وكان الناس يتعجبون لهذا ويقولون ماذا يريد هذا الاحمق يريد السعادة هل هو يريد اموالا اكثر مما لديه يا للعجب؟
كان هذا الرجل دائما مريض نائما فى فراشه يريد الحصول على السعادة
فاستدعى احد الحكماء فى مملكته
وقال له اننى غلبت فى امرى قل لى ايها الحكيم كيف احصل على هذا الشىء اللعين الذين يسمونه السعادة فقال له الحكيم ارتدى حذاء شخص دائما يضحك ودائما يشعر بالسعادة
فذهب الملك يبحث بين الناس ومن المؤكد انه لم يجد هذا الشخص فكانت اجابات الناس له
may be yes may be no
وقال له اخرين
some times happy and some times sad
واخذ يبحث ويبحث الى ان اوجد هذا الشخص وقال له هل انت تملك السعادة وتشعر بها طوال الوقت فاجاب نعم
قال له اذن اريد حذائك وسابدلك خافضل منه
بس تفتكروا مين سعيد الحظ اللى عنده السعادة دة
عارفين مين طلع انه شحات ولما الملك ساله عن حذائه قال له انا لا املك حذاء فوقع الملك ميتا
ودى نهاية القصة
يعنى الراجل لف ودار ولما لقى شحات جة على نفسه وقال مش مشكلة اخد جزمته
وبردك ملقاش السعادة ومش هيلاقيهت
يا جماعة السعادة مش المفروض احنا ندور عليها ومش مطلوب مننا كدة السعادة موجودة جوانا احنا
احنا اللى بايدينا نجيب السعادة
عارفة ان الحياة صعبة اصعب ما يمكن
لكن ما باليد حيلةمش نستسلم لاحزانا والله انا اعرف ناس بتعشق حد يموتلها عشان تحزن
يمكن لما حد بيسمع كلامى بيقولولى كلامك اكبر من سنك وبيقولولى كمان هو انت ىعمرك اد ايه عشان تعرفى السعادة من الحزن انتى لسى مقابلتكيش حاجة فى حياتك عشان تعرفى كدة
تيجوا نلون حياتنا نخلى لحياتنا معنى نحطلها عنوام
انا عايزة كل واحد مننا حتى انا نفكر كدة ايه الحاجات اللى بتخلى الدنيا فيها حاجة غلط بتخليها مش متزنة
وكما قال احد حكماء الصين كونفيوشيس
يا ترى ما هو السبب فى وجود اشخاص متميزين واخرين لا؟ وهناك من يعيش حياته بطريقة افضل من غيره ..
كما ان هناك من يحقق احلامه واهدافه فى حين ان هناك اناسا غير ذلك ؟ فما هو الفارق بين الفريقين؟
فى حاجة تانية بردو لو عملناها هنباى على الاقل حققنا نص السعادة
ربنا
ربنا يا جماعة لازم نقرب منه وباب التوبة مفتوح فى اى وقت
ربنا منتظرنا فى اى وقت نستغفره وتوب له
وشوفه حياتكم هتباى عملة ازاى
استغفروا ربكم وهتحسوا بالفرق
هتحسوا بالهداية والراحة
دة كفاية ان ملك السيئات لما حد مننا بيعمل سيئة بيقول لملك الحسنات اكتبهالوا يقولوا لا اصبر لعله يستغفر
يكفى ان الله عز وجل جعل لنا الطريق مفتوح فاذا فكرنا فى فعل سيئة ولم نفعلها لا يحسبها الله علينا واذا فكرنا فى فعل حسنة ولم نفعلها حسبها الله لنا واذا فعلناها يضاعفها
ليه منستغفرش ربنا هل هو بخيل فيبخل عليه عبده
لا الله كريم ولا يوجد اكرم منه ونحن البخلاء
يا رب يكون الموضوع عجبكم وتكونوا استفدتم منه واكون قدرت اوصلكم فكرة السعادة موجودة فين
وعلى فكرة الموضوع دة انا اللى كتباه يا رب يعجبكم
عاوزة قبل ما امشى اقولكم مقولة نقلاها من كتبا تنمية بشرية لد ابراهيم الفقى لو حد سمع عنه
عش كل لحظة وكانها اخر لحظة فى حياتك عش بالايمان عش بالامل عش بالحب عش بالكفاح وقدر قيمة النجاح
والسلام عليكم ورحمة الله وبركاته
