طبعا اكيد كلنا زهقنا من الالعاب التقليدية
اللى موجودة اللى زى الارقام والكلام ده
بس دى لعبه مختلفة شويه
دمها خفيف ومش تقليدية
وحبيت اعرضها هنا فى منتدى ناجح زوم
هى قهوة منتدى ناجح زوم
بس ياريت محدش يزعل كلنا اخوات وزمايل وحبايب قبل ماقول اللعبة
ياعنى عادى نفك عن نفسنا شوية ونضحك شوية بدل ماحنا عايشين فى نكد كدة
احنا هنعد من 1 ل 5
رقم 1 بيكون زبون من زباين القهوة ويشوف هو عاوز يطلب ايه من القهوة
(شاى - قهوة - حلبة - ينسون - حاجة ساقعة )
ولو عاوز اى حاجة تانية قول
عاوز تفك فلووووس عاوز تشحن موبايلك
عادى الصبى هيكون موجود ينفذ كل الطلبات دى
.........................
رقم 2 بيكون زبون تانى من زباين القهوة بيختار عضو معاه يلاعبه
(دومينو وخصوصا امريكانى - شطرنج - طاولة - كوتشينة )
ولو عاوز مشاريب او عاوز اى حاجة
اطلب متخافش
ولو عاوز تفك فلوووووس اى حاجة تانية
اطلب ولا تشيل اى هم
اللى يعجبك
.........................................
رقم 3 بيكون زبون تالت من زباين القهوة عاوز كرسى يقعد عليه
ويختار المكان اللى هيعد فيه جمب التليفزيون ولا على النصية فى الشارع
ولا فى اى مكان يعجبه واختارلك
مشروووووووب ياعم وعليا ولا يهمك واعمل اللى انت عاوزه
.......................................
رقم 4 زبون ومعاه فلوووووووس وعاوز يفك الفلوووووس دى
شوف انت معاك فلوس جامدة كام وعاوز تفكها واطلب كمان براحتك شيشة معسل - تفاح - براحتك ههههههه
وكمان مشرووووووووب ياسيدى ولو عاوز تشحن موبايلك اوك وماله ممكن تبعت تشحنه
.....................................
رقم 5 هو بقه البيج بوووووس (المعلم او المعلمة )
وده بقه يختاااااااار عضو يكون زى الصبى فى القهوة هو اللى يجيب الطلبات دى كلها
ويشوف الزباين عاوزين ايه
واللى عاوز كمان يصقفله لو اتاخر فى الطلبات
يصقف عادى
وهو يقووووووووول
ايوة جاااااااااااااااااى
ههههههههههههههه
..............................................
الرقم 6 و7 و8 و9 و10 يكونوا زباين برده يطلبوا من الصبى اللى المعلم اختاره طلبات عادى اللى عاوز شاى -قهوة - ينسون
اللى معاه فلوس وعاوز يفكها اللى عاوزه يروح مشوار اى حاجة انت عاوزه
.....................................
وبعد كدة نبدأ من جديد
وهكذا
قوانين اللعبة
القانون الاول ....ممنوع تعمل مشاركتين ورا بعض
ياعنى مشاركة واحدة من 1 ل5
لكن بعد كدة من 6 ل10 فعادى ادخل واعمل براحتك واطلب براحتك اوى والصبى موجود للتنفيذ
القانون الثانى .... المعلم او المعلمة اللى طبعا هيكون رقم 5 مينفعش يختار صبى من اول اربع زباين
ياعنى من 1 ل4 مالوش دعوة بيهم عليهم حصانة فى القهوة زى مجلس الشعب
القانون التالت ........ المعلم او المعلمة لو مدخلش فى خلال يوم او يومين
ممكن واحد من الزباين الاربعة يكوووووووون معلم وزبون فى نفس الوقت
ياعنى اى واحد من ال4 زباين يدخل يختاااااااااااااااار صبى وينفذ الطلبات
القانون الرابع اى عضو حاسس انه بيزعل وبيضايق ومش اد الهزار
فيتفضل يقولنا عشان المعلم او المعلمة متجبش اسمه فى اللعبة
اللعبة كلها هزار فى هزار ودمها خفيف
هى مش موجودة فى منتديات تانية
ويارب فكرتى تعجبكم
يالا انا هبدأ انا عاوزه واحد قهوة مظبووووووووط على حساب
المنشاوى
وياريت معاها كوباية مية ساقعة والكوبايات تتغسل