وحشتيني ...... وحشتيني
يا ساكنة في قلبي وفي عيني
يا عمري الجاي وسنيني
يا قمري وضي لعيوني
وحشتيني...
يا زهرة الهوى الدافي
عيونك بحر ليل صافي
رميت قلعي ومجدافي
وقلت الموج يرسيني
وحشتيني...
يا ملاكي وكل دنيايا
يا نجم عشقته في سمايا
يا روحي وعمري ومنايا
يا وهمي وعقلي وجنوني
وحشتيني...
هذا قلبي دقته باسمك
وحلمي رسمته كان رسمك
بالي في جمالك وفي حسنك
عمر الحياة ما توريني
وحشتيني...
بحبك اكيد مش خايف
وغيرك في عيني مش شايف
يا أحلى بسمة وشفايف
بكلمة منها تحييني
وحشتيني...
عيونك في الهوى داري
وعايشك ليلي ونهاري
هذا عشقك جنتي وناري
وحبك تاج على جبيني
وحشتيني...
يا عمري يا كل أحلامي
وعايش بيكي أيامي
باهديك شوقي وسلامي
وأقول لو يوم تحسيني
وحشتيني...
حاقولك إيه وأعيد ثاني
حاقولك برضه وحشاني
ياللي ف عيونك عنواني
وعايشة في كل تكويني
وحشتيني...