اسئله تشل بجد ادخل وقولى الاسئله دى بجد بتعصبك ولا لا

طب ده اسموه كلام طب ده اسمه ايه

انت في اوضتك..نايم في سريرك ومتغطى.. وطافي النور يجي حد يفتح عليك الباب من العائله الكريمه ويقولك.

.. ايه ده انت هتنام ولا ايه؟؟


اظن واضح طبعا اني هنام



مثلا خارج من اوضتك في امان الله و رايح تعمل اي حاجة ييجي حد من افراد الاسرة اللذيذة

يقوللك ايه ده انت صاحي؟
لا يا حبيبي بمشي و انا نايم



انتم معزومين عند ناس وأول ما وصلتوا عندهم وفتحلكوا الباب تلاقى ابنهم الصغير بيقول..

. ايه ده انتوا جيتوا؟؟؟
لا لسه يا عنيا



انت لابس هدومك ومتأنتك وريحة برفانك جايبه للعمارة اللي جنبكوا وبتفتح باب الشقه وخلاص نازل ...


تسمع حد من اهلك يقولك...ايه ده انت خارج ولا ايه؟؟؟

لا ابداً بجرب الباب بس



او مثلا انت ركبت عربيتك ودورتها وخلاص ماشي تلاقي البواب جاي يخبطلك عالأزاز انت بكل

زوق تفتح تقوله في ايه؟؟
يقولك انت خارج بالعربيه يا بيه؟؟
لا العربية واحشاني شويه



مثلا ماسك سماعة التليفون وبتضرب رقم يجي حد من اهلك يقولك.... انت هتتكلم في التليفون؟؟؟
لا بسمع صوت الحراره



ربنا هديك كده وماسك الكتاب وعمال تحفظ وتذاكر ومتحمس قوي... تلاقي حد جاي يقولك..ها..

انت بتذاكر؟؟
تروح رامي الكتاب وتقوله لأ ده انا معجب بيه

اسئلة تشل..........

انا عن نفسى بتعصب جداااااا

هههههههههههههه فعلا الاسئله دى بتحصل وبتعصب جداا شكرا يا فارس على التوبيك وكل سنه وانت وامه الاسلام بخير وسلام

هههههههه
توبيك لا يعلي عليه
تسلم يافارس ع الموضوع الجميل
اللي خلاني اضحك

شكرااا لمروركم