من طرف 
السلام عليكم ورحمه الله وبركاته
الدراسه ابتدت
وبعد ما كنا فرحانين فى الاجازه
اتقلب حالنا 360 درجه مئويه
طبعاً من الى شوفناه السنه الى فاتت
وكان بسبب ان معظمنا فضل
يلعب طول السنه
ومنظمش وقته كويس
وأكتشف فجأه لما الامتحانات قربت !!
أنه مشافش من الكتاب الا أول صفحه
وشاف العذاب فى الاخر لما لقى الضغوطات الى عليه
طب أحنا فى بدايه سنه جديده أيه الحل ؟
اولاً احنا بنكون متعودين على اللعب طول اليوم
وداخلين على الدراسه وهمها
ممكن نبتدى فى الأول بتنظيم وقتنا كويس
بحيث اننا على اخر السنه نكون مخلصين المنهج
ومراجعين عليه
مش هقول اننا نمسك الكتب 24 ساعه
ونسيب النت والتليفزيون وكل حاجه
- فى الأول طبعاً لازم نستعين بربنا
ونحفظلنا كام دعاء نقولهم قبل المذاكره
عشان ربنا يوفقنا.
- بعدين نظم كتبك وأدواتك بشكل جميل
يخليك تحب المذاكره.
- لما تيجى تذاكر ذاكر فى وقت هدوء
ولا يستحسن المذاكره اثناء الليل.
( تم التعديل بواسطه هيشا )
- انسى همومك وكل حاجه
متفكرش فى أى حاجه وقت المذاكره.
- أبتدى بالمواد الصعبه
هتلاقى بعد كده الباقى سهل
وهيشجعك على المذاكره.
- اعمل اهداف وامشى عليها
(تم التعديل بواسطه سنو )
لا تؤجل عمل اليوم الى الغد
-وأخيراً حب مذاكرتك
هتلاقى نفسك فهمتها
وهتحب المدرسه من جديد
أنا عملت التوبيك ده
عشان شايف الطلاب السنادى شايله الهم
وكمان مش عايز حد يغلط الغلطه
الى معظمنا بنغلطها كل سنه
ويفضل يأجل لغايه ما الامتحانات تيجى
يارب التوبيك يعجبكم ويفيدكم
وياريت الى عنده اى حاجه عايز يضفها
يقولها عشان كلنا نستفاد بيها
والتوبيك مفتوح للمناقشه
والتعديل
والأهم من كده اننا نطبق الكلام ده عملى
