من طرف 
اعضائي
بعد أيام قليلة جدا رمضان هيهل علينا بخيره كله
طيب فى ناس استعدت و حضرتم نفسها و ناس لسه هتحضر نفسها
و ناس بتشحن قلوبها عشان تتحضر للشهر الكريم
طيب إيه رأيكم نخلى شعارنا السنة دى يكون جديد جدا
شعارنا
قلب صنع فى رمضان
عايزين قلب جديد ... قلب يصنع بخير رمضان علينا
قلب هيكون كله حب الله و رضا و طاعة
تعالوا نخلى رمضان ده شهر نستفيد منه
عارفه إن كلامى مش جديد و إن فى غيرى هيتكلموا فى الموضوع ده أحسن منى بمراحل
لكن هدفى مش الكلام
هدفى شحن القلب عشان نخرج منه مختوم عليه صنع فى رمضان
ها يا جماعة ؟؟؟ هل من مشمر ؟؟؟
هفكركم " وعجلت إليك ربى لترضى "
هنشتغل جامد فى الشهر ده و إللى محضرش نفسه لسه فى فرصة
و باب الرحمة عمره ما بيتقفل فى وش العباد
طيب هنعمل إيه ؟؟؟
كل يوم لمدة 4 أيام حد يدخل يكتب طاعة و نبدأ نعملها
بس لو اتكتبت أكتر من طاعة فى اليوم هتتشال
عشان مش نتلخبط و عشان كلنا نبقى ماشين مع بعض و إللى لسه بيقوى نفسه مش يتعب و إللى استعد يسخن للى جاى
و على فكرة مش مطلوب منك تقول عملت ولا لأ لأن دى حاجة بينك و بين ربنا
و بعد كده هنزود فى الطاعات بعد الأربع أيام إللى قلنا عليهم لحد ما نوصل لأخر الشهر
ليه هنعمل كده ؟؟؟
عشان فى ناس نفسها يكون رمضان بداية لها و لما تتبدأ معانا خطوة خطوة تتشجع عشان كده مش هنتقل فى الأول و زى ما قلت
و بعد كده نفكر إزاى نحافظ على القلب ده لرمضان القادم إن شاء الله
ها إيه رأيكم ؟؟
نتوكل على الله
طيب اسمحوا لى أكتب اول طاعة
طاعتنا إللى هنواظب عليها إن شاء الله
صلاة الضحى
وقد ورد في فضلها أحاديث كثيرة نذكر منها ما يلي:
1- عن أبي ذر-رضي الله عنه- قال: قال رسول الله-صلى الله عليه وسلم-:
"يصبح على
كل سلامى من أحدكم صدقة، فكل تسبيحة صدقة، وكل تحميدة صدقة، وكل تهليلة
صدقة، وكل تكبيرة صدقة، وأمر بالمعروف صدقة، ونهي عن المنكر صدقة، ويجزئ
من ذلك ركعتان يركعهما من الضحى"( - رواه أحمد ومسلم، وأبو داود.)
اخوتى لا تنسونى من صالح دعائكم
