من طرف 
السلام عليكم ورحمه الله وبركاته
الحب
الايام بتمر واحنا اعدين بنحب
كل واحده تختار واحد وتعد تفكر فيه ليل ونهار
كل واحد يختار واحده ويعد يفكر فيها وتبقه عيبه فى حقه لو مكلمهاش
انا معترفه ان فى حب بس مش الحب بتاع الزمن ده
واللى وصلهولنا التليفزيون
البت تقولك بحبه يا بابا
والواد يقول لو مكلمتنيش هقتل نفسى
متقتل نفسك هتستفاد ايه غير انك تدخل النار
مش لازم كده كل حاجه لها وقتها
بتحبها استنه لما تبنى مستقبلك واجوزها
اللى بيحدد المصير الواد مش البت عشان الواد هو اللى بيتقدم
هتستفادى ايه لما تحبى واحد وتكلميه وفى الاخر انا بقولك مش هيجوزك
لما واحد بيقرر انه يتجوز بيفكر بدل المره عشره عشان دى اللى هتكون ام عياله واللى هتربيهم
انتى اللى يستاهل قلبك اللى دخل البيت من بابه وكتب كتابه سعتها حبيه بقه واعملى اللى انتى عاوزاه كده ادام ربنا وقدام كل الناس تعرفى تكلميه براحتك تعرفى تخرجى معاه مش تحبى ولد ولما تيجى تكلميه تكون عمله زى الحرميه اللى بتسرق بتكونى خايفه والله
الكل بيكتب ازاى تعرف اللى بيحبك بيحبك
ازاى تقولى للى بيتحبيه انتى بتحبيه
ازاى وازاى وازى
ونسينه حاجه مهمه لازم نعرفها ان ازاى دى مبتسالش دى بتتعرف وبتتعرف من حاجتين
ربنا منزلهملنا القران والسنه
لو كل واحد بدل ميسال عن كل ده رجع للقران ودبنه وربنا قاله ايه مش هنعمل كده
علاج الحب
بدل متفكرى فيه وبدل متفكر فيها
فكرو فى ربنا
بدل متحبى واحد وبدل متحب واحده
حبو ربنا
واحلى من كده اللى يقرر انه يشيل من دماغه كده ويفكر تانى وقلبه مثلا يحن يستغفر ربنا ويقرا شويه قران
شيلو كل الكلام الفاضى ده من دماغكم وافتكرو ان فى تعاليم دين عندنا
بلاش نسمع كلام التليفزيون وكلام الغرب
فى كتير هيقرا الكلام ده وهيقول البت دى معاده واللى هيقول الحب حاجه حلوه ومش زى ما هى فاهماه واللى هيقول انى بنصح
انا مبنصحش انا حبيت اكتب اول موضوع كده عشان دى الحقيقه واللى كلنا عارفنها بس الشيطان الايام دى عامل مفعلوه وبيخلى كل واحد يفكر بعقله وينسى تعاليم دينا
السلام عليكم ورحمه الله وبركاته
